З думкай, што работа ў лясной гаспадарцы – гэта справа зусім не для жанчыны, не пагаджаюцца Анастасія Пятручык і Крысціна Алесік. Яны сваім штодзённым прыкладам як бы ламаюць звыклы стэрэатып і погляд на прафесію тых, хто свой лёс звязаў з лесам.
Анастасія Пятручык і Крысціна Алесік – маладыя спецыялісты. На працу ў Маларыцкі лясгас яны прыйшлі ў лютым гэтага года пасля заканчэння Полацкага дзяржаўнага ляснога каледжа: Анастасія – майстрам лесу Ужоўскага лясніцтва, Крысціна – памочнікам ляснічага Пажэжынскага лясніцтва. Тое, чым цяпер займаюцца ў паўсядзённай працы, па словах дзяўчат, прыносіць ім задавальненне.
